Fjallabyggð

Fjallabyggð er sveitarfélag nyrst á Tröllaskaga á Íslandi. Sveitarfélagið varð til 11. júní 2006 við sameiningu Ólafsfjarðarbæjar og Siglufjarðarkaupstaðar, að afstöðnum sveitarstjórnarkosningum 2006.

Forsenda fyrir sameiningu bæjanna var að ráðist yrði í gerð Héðinsfjarðarganga en áætlað er að þau stytti vegalengdina milli þeirra niður í u.þ.b. 15 kílómetra. Stysta leið til þessa er 62 km löng um Lágheiði en 234 km yfir Öxnadalsheiði þegar Lágheiði er ófær.